भाजप नेत्याने मणिपाल रूग्णालयाला लसीकरण बुकिंगवरून फटकारले  

मडगाव :गोयंकारपण वृत्त

18 वरील वयोगटातील लोकांना लसीकरणाच्या बुकिंगवरून भाजपचे मडगावचे माजी विधानसभा व पालिका उमेदवार शर्मद पै रायतूरकर यांनी मणीपाल रुग्णालयावर अप्रत्यक्षपणे जोरदार हल्ला केला आहे.

शर्मद यांनी एका ट्विटमध्ये म्हटले आहे,की लसीकरणाच्या बुकिंग पोर्टलवर सकाळी ११.०० वाजता सुरू झाली आणि सकाळी ११.०१ वाजता संपली.त्यांनी मनिपाल हॉस्पिटलला विचारणा केली आहे,की तिथे कोणती ‘प्री-बुकिंग सिस्टम’ आहे का?

ते म्हणाले,“गोव्यातील मनिपाल हेल्थ मधील 18+ साठी व्हॅक्सीन रजिस्ट्रेशन सकाळी ११.०० वाजता सुरू झाले आणि सकाळी ११.०१ वाजता पूर्णपणे बुक झाले असल्याचे दाखवण्यात आले आहे . कोण म्हणतो की गोमंतकीय आजाराबाबतीत लाजाळू आहेत ? प्रिय @ मणीपालहेल्थ कोणतीही पूर्व बुकिंग प्रणाली असल्यास कृपया मला कळवा. मी रहस्ये राखून ठेवू शकतो . @goacm @PMOIndia @AmitShahOffice, ”त्यांनी लिहिले.

मणीपाल रुग्णालयाने त्वरित उत्तर देताना सरकारी पोर्टलवर कोणतेही नियंत्रण नसल्याचे सांगत ट्विट केले.

“हाय, आम्ही तुम्हाला हे सांगू इच्छितो की लसीकरणाच्या स्लॉटच्या उपलब्धतेवर को-विन वेबसाइट / अ‍ॅपवर आमचे नियंत्रण नाही. आम्ही को-विन वेबसाइट / अ‍ॅपच्या प्रक्रियेचे अनुसरण करतो, ”, असे रुग्णालयाने ट्विट केले.