काणकोण :गोयंकारपण वृत्त
शनिवारी सकाळी कोट्यावधी वर्षांपासून अपेक्षित ते घडले.
अरबी समुद्रापासून गालजीबाग नदीला विभक्त करणारी वाळू पट्टी शनिवारी सकाळी अरबी समुद्राच्या पाण्याच्या पातळीत अचानक वाढीमुळे ओसरली गेली.
पर्यावरणीय जाणकारांना असे वाटते,की समुद्र आपल्या भूमीवर पुन्हा हक्क शाबीत आहे.तर इतरांचा असा विश्वास आहे की, गालजीबाग नदीच्या पुलाच्या शेजारी असलेल्या वाळू पट्टीच्या वाहून जाण्याच्या इशाराकडे अधिकाऱ्यांनी दुर्लक्ष केले. ज्यामुळे संपूर्ण गालजीबाग नदी व्यवस्थेचा नाश होईल.
24 ऑक्टोबर ते 3 नोव्हेंबरच्या दरम्यान गोवाच्या किना-यावर चक्रीवादळ ‘क्यारा’ आदळले तेव्हा वाळू पट्टीचा हा विशिष्ट भाग अर्धवट वाहून गेला होता.
स्थानिक नागरिकांनी गंभीर चिंता जाहीर करूनही अधिकारी आतापर्यंत चुप्पी साधत असल्याचा आरोप ठेवला जात आहेत.
शनिवारी सकाळपासूनच समुद्राच्या पाण्याचे प्रमाण वाढत असल्याने रेती पट्टीवर कोणतीही मजबुतीकरण न झाल्याने स्थानिकांना याची माहिती मिळाली.
वाळू पट्टीचा भंग झाल्यानंतर समुद्राचे पाणी नदीत येण्यास सुरवात झाली आणि गालजीबाग नदीच्या दोन किलोमीटरपर्यंत पाण्याच्या पातळीत किमान अर्धा मीटर वाढ झाली, अशी माहिती स्थानिकांना मिळाली.
तालुक्यातील इतर किनाऱ्यावरील गावातही परिस्थिती काही वेगळी नव्हती. पाटणे , पाळोले आणि आगोंदा येथेही पाण्याचे प्रमाण वाढू लागले आहे. उंच लाटांनी किनारपट्टीवर हल्ला केल्याने मालमत्ता नष्ट झाली.
जेव्हा या बातमीकर्त्याने काणकोण किनारपट्टीवरील भागाचा अभ्यास करणारे डॉ नदाफ यांच्याकडे ही अभूतपूर्व घटना ध्यानात आणली,तेव्हा ते म्हणाले की ही एक नैसर्गिक घटना आहे.
मात्र जर वाळूची पट्टी उच्च भरतीच्या रेषाखाली वाहून गेली तर ही चिंताजनक बाब आहे.कारण दैनंदिन भरतीच्या वेळी या वाळू पट्टीतून अधिक वाळू नष्ट होण्यास प्रारभ होईल , असे ते म्हणाले.
