मडगाव:गोयंकारपण वृत्त
मडगाव नगरपालिकेचे अध्यक्ष व उपाध्यक्ष बिनविरोध घोषित झाल्यानंतर दुसर्‍याच दिवशी,आमदार दिगंबर कामत पॅनेलच्या दोन नगरसेवकांनी बंडखोरी केल्याने नवीन सत्ताधार्‍यांना धक्का बसला आहे.नवीन पदांची नीवड करताना विस्वासात घेतले नसल्याचा आरोप दोघां बंडखोर नगरसेवकांनी केला आहे.
दोन वेळाचे नगरसेवक आणि मडगावचे माजी नगराध्यक्ष घनश्याम प्रभु शिरोडकर यांनी अध्यक्षांच्या निवडीबद्दल नाराजी व्यक्त केली.ते म्हणाले की, दिगंबर कामत यांनी मडगावकरांनाच वाऱ्यावर टाकले असून त्यांनी फातोर्डाच्या आमदार विजयी सरदेसाई यांच्यासमोर आत्मसमर्पण केले आहे.
घनश्याम म्हणाले, “दिगंबर कामत यांनी दिलेला अध्यक्षपद मी स्वीकारणार नाही, मी कुठल्याही पक्षाचा सदस्य नाही.मी माझ्या भविष्याचा विचार करण्यास स्वतंत्र आहे. मी माझ्या समर्थकांना आणि मतदारांना विश्वासात घेउनच निर्णय घेईन ”.
शिरोडकर यांनीही मडगाव नगरपालिकेच्या कारभारावर जोरदार टीका केली. मुख्य अधिकारी व नगरपालिकेचे कर्मचारी भ्रष्ट असल्याचा त्यांनी आरोप केला.
ते म्हणाले, “मुख्य अधिकारी आणि पालिकेचे कर्मचारी भ्रष्टाचारामध्ये गुंतले आहेत, याचा पुरावा माझ्याकडे आहे.जर हे असेच चालू राहिले तर मी लाचलुचपत प्रतिबंधक विभागाकडे तक्रार दाखल करेन,”.
कामत यांचे आणखी एक समर्थक असलेले नगरसेवक दामोदर शिरोडकर म्हणाले की, या निवडीमुळे आपण पूर्णपणे नाराज आहे.
“आम्ही दोघे ज्येष्ठ व अनुभवी नगरसेवक असल्याने माझ्यावर आणि घनश्याम बाबांवर अन्याय आहे. मी कामतसाठी गेल्या अनेक वर्षांपासून काम केले आहे आणि प्रत्येक वेळी त्याच्या बाजूला खंबीरपणे उभा आहे. आज मला माझ्या निष्ठेचे फळ मिळाले. मी माझ्या समर्थकांशी चर्चा करेन आणि पुढचे पाऊल उचलणार आहे, ”असे त्यांनी नमूद केले.
कामत यांनी आपल्या कामगारांवर अन्याय केल्याचे दुसरे स्वतंत्र नगरसेवक महेश आमोणकर यांनीही सांगितले.
ते म्हणाले, “मी हा अनुभव घेतला आहे की कामत हे एक घाणेरडा राजकारणी आहे, जो पडद्यामागून सूड उगवण्यासाठी प्रसिद्ध आहे.
कामत यांच्याविरूद्ध बंडखोरी करणारा मी पहिला होता.आता बरेच लोक माझे अनुसरण करतील. ”
घनश्याम आणि दामोदर शिरोडकर यांनी दिगंबर कामतचा तळ सोडण्याचा निर्णय घेतला तर येत्या विधानसभा निवडणुकीत कामत यांना अडचण होईल, हेही ‘गोयंकारपण ‘ यांना कळले आहे.मडगावमधील दिगंबर कामत यांच्या किल्याचे बुरुज कोसळू लागले आहेत.
कॉंग्रेसच्या हाय कमांडकडे बोलणी सुरु :विजय
“कॉंग्रेस आणि गोवा यांच्यातील आघाडीने मडगाव नगरपालिका निवडणुकीत यशस्वी प्रयत्न केले आहेत आणि आगामी विधानसभा निवडणुकीतही हे पुढे जाईल. गोवा फॉरवर्डचे सर्व्हेसर्वा विजय सरदेसाई म्हणाले की, कॉंग्रेस पक्षाच्या उच्च कमांडशी आमची चर्चा सुरू आहे.
विरोधी पक्षनेते दिगंबर कामत आणि नवनिर्वाचित नगरसेवकांसह स्व. राम मनोहर लोहिया यांना श्रद्धांजली वाहल्यानंतर लोहिया मैदानात ते बोलत होते.
“आम्ही एकत्रित आलो आहोत आणि भाजपविरोधात मडगाव नगरपालिका निवडणूक लढविली. मतदाराने आम्हाला बहुमत दिले ही नवी सुरुवात आहे. सम्पूर्ण गोवा यांचे अनुसरण करेल.लोक प्रमोद सावंत यांच्या नेतृत्वाखालील भाजप सरकारला जागा दाखवतील आणि सत्तेच्या बाहेर घालवून देतील.
ते म्हणाले की, सध्याचे सरकार गोव्याच्या हिताच्या विरोधात काम करत आहे.
ते म्हणाले, “आम्ही मडगाव आणि फातोर्डा यांच्या विकासासाठी संयुक्तपणे काम करीत आहोत आणि शहराशी संबंधित कामांचा विचार करू.
दिगंबर कामत म्हणाले की, नगरसेवकांची संयुक्त बैठक झाली असून गोवा फॉरवर्डला प्रथम संधी देण्याचा निर्णय घेण्यात आला.
“ही व्यवस्था पुढील 15 महिन्यांसाठी आहे. दोन्ही पक्षांना अध्यक्ष आणि उपाध्यक्षपदासाठी प्रत्येकी 15 महिन्यांची मुदत देण्यात येईल, असे ते म्हणाले.
सर्वच नगरसेवकांना शपथ दिल्यानंतर लिंडन परेरा यांनी आज अध्यक्षपदाचा कार्यभार आणि दिपाली सावळ यांनी मडगाव पालिकेच्या उपाध्यक्षपदाचा कार्यभार स्वीकारला.
