कळंगुट :गोयंकारपण वृत्त
कचरा व्यवस्थापन मंत्री आणि कळंगुटचे आमदार मायकल लोबो यांनी गुरुवारी उत्तर व दक्षिण जिल्हाधिका ऱ्यानी काढलेल्या लॉकडाऊन आदेशात कोणतेही स्पष्टीकरण नसल्याचे सांगितले.
लोबो यांनी दोन्ही जिल्हाधिकाऱ्याकडे तसेच मुख्यमंत्री प्रमोद सावंत आणि भाजप प्रदेशाध्यक्ष सदानंद तानावडे यांना लॉकडाऊन आदेशाचा पुन्हा मसुदा तयार करण्याचे आवाहन केले.
“मला समजत नाही, जिल्हाधिकाऱ्यांनी जारी केलेल्या लॉकडाऊन आदेशात कोणतीही स्पष्टता नाही; मला वाटते की हे लॉकडाउन नाही ”लोबो म्हणाले.
ते पुढे म्हणाले की, राज्य सरकार जेव्हा सर्व आस्थापने खुले ठेवू देते,तेव्हा त्याला लॉकडाउन म्हणून कसे संबोधले जाऊ शकते.
ते म्हणाले की, “मुख्यमंत्री प्रमोद सावंत, भाजप अध्यक्ष सदानंद शेट तानावडे आणि जिल्हाधिकाऱ्याशी आदेशाचा नव्याने मसुदा तयार करण्यासंबधी मी चर्चा केली आहे.”
दरम्यान, कलंगुट, कांदोळी आणि आरपोरा नागोवा भागात आजपासून दहा दिवस ‘ मायक्रो कंटेन्ट झोन’ (एमसीझेड) म्हणून घोषित केले गेले.
ते पुढे म्हणाले की, कोविड -19 पासून प्रभावित कळंगुट मतदारसंघातील लोकांसाठी रुग्णवाहिका सेवा उपलब्ध आहे.
मुख्यमंत्री प्रमोद सावंत यांच्या नेतृत्वाखालील राज्य सरकारने कोरोनाचा प्रसार रोखण्यासाठी आज रात्री 9 ते सोमवारी सकाळी 6 वाजता लॉकडाउनचे आदेश दिले आहेत.
