पणजी-गोयंकारपण वृत्त
‘को मोरबीड ‘ रुग्णांना आणि स्तनपान करणार्‍या मातांना लसीकरणासाठी आपले सरकार प्राधान्य देईल अशी माहिती मुख्यमंत्री डॉ. प्रमोद सावंत यांनी आज दिली.
“अन्य आजार असलेले रुग्ण आणि स्तनपान करणार्‍या मातांना लसीकरणाला सरकार प्राधान्य देईल. भारत सरकारच्या मार्गदर्शक सूचनांनुसार राज्यात कोरोनाविरोधी लसीकरणासाठी स्तनपान देणाऱ्या महिलांचा समावेश करण्याची योजना आखण्याच्या प्रक्रियेत आहोत, ”सावंत म्हणाले.
ते पुढे म्हणाले की, केंद्र सरकारने रजिस्ट्रेशन नं करता थेट लसीकरण करण्यास परवानगी दिली आहे.ज्याद्वारे लोक ‘कोवीन ‘अॅपवर लसीकरण स्लॉट बुक करणार नाहीत.
टीका उत्सव २.० च्या माध्यमातून आम्ही प्रत्येकाला (45 वर्षांपेक्षा जास्त) पोहोचू आणि त्यांना लसीकरण करू. 26 मेपासून टिका उत्सव सर्व ग्रामपंचायती व नगरपालिकांमध्ये पोहोचणार आहे.आम्ही गेल्या वेळी 168 ठिकाणी टीका उत्सव सुरू केला होते.आता आम्ही अन्य ठिकाणीही जाऊ , असे सावंत म्हणाले.
सावंत म्हणाले की, टीका उत्सव २.० चा हेतू 45 वर्षांवरील 40 टक्के लोकांना प्रथम लसीकरण डोस देण्याचे आहे.यामुळे दुसर्‍या डोसची व्यवस्था करण्यास मदत होणार.
दरम्यान, मुख्यमंत्री सावंत यांच्या अध्यक्षतेखाली ‘जीएसआयडीसी’च्या बैठकीत काही आरोग्य पायाभूत प्रकल्प आणि शैक्षणिक प्रकल्पांचा जलद मागोवा घेण्यात आला.
