रोगसूचक लक्षणे नसलेल्या रूग्णांना घरातच अलगीकरणात ठेवण्यासाठी परवानगीची आवश्यकता नाही :सावंत

पणजी : गोयंकरपण वृत्त
मुख्यमंत्री डॉ. प्रमोद सावंत यांनी आज माहिती दिली की, राज्य सरकारने रोगसूचक लक्षणे नसलेल्या रूग्णांना घरातच अलगीकरणात ठेवण्याच्या परवानगीची आवश्यकता नसल्याचा निर्णय घेतला आहे.
मुख्यमंत्र्यांनी असेही म्हटले आहे,की जोपर्यंत कोणालाही इस्पीतळात प्रवेश घेण्याचा सल्ला दिला जात नाही तोपर्यंत सर्व सकारात्मक (पॉझिटीव्ह ) प्रकरणे घरातच अलगीकरणासाठी असल्याचे मानली जातील.
मुख्यमंत्र्यांनी सांगितले की, “गोवा सरकारने कोरोनाचे लक्षणे नसलेल्या रूग्णांना ‘होम आयसोलेशन’साठी परवानगी घेण्याची गरज नसल्याचा निर्णय घेतला आहे.”
ते पुढे म्हणाले,की कोव्हिड रुग्णालयात किंवा कोविड केअर सेंटरमध्ये कोणालाही दाखल करण्याचा जोपर्यंत सल्ला दिला जात नाही,तोपर्यंत सर्व पॉझिटिव्ह केसेस ‘होम आयसोलेशन’ साठी मानली जातील.
ते म्हणाले, “घरातच राहून उपचारासाठी लागणारे किट जवळच्या संबंधित आरोग्य केंद्रांकडून मिळू शकेल.”
मुख्यमंत्री सावंत म्हणाले, की केंद्र सरकारने गोवा राज्यासाठी वैद्यकीय ऑक्सिजन कोट्यात दिवसाला दहा मेट्रिक टनने वाढ केली आहे.
ते पुढे म्हणाले की, लस डोस उपलब्ध झाल्यावर कोविडविरोधी लस 18-45 वयोगटातील लोकांना देण्यास सुरू केले जाईल. सावंत यांनी दिलेल्या निवेदनात म्हटले आहे की,ज्यावेळी लसी उपलब्ध होतील, तसे 15 ते 45 वयोगटातील लसीकरण प्रगती करेल. केंद्र सरकारने लसींची निवड व नियोजनात अधिक स्वातंत्र्य मिळावे यासाठी राज्य सरकारच्या मागणीनुसार लसीकरणाचे उदारीकरण केले आहे.
“आता लसी घेणे आणि यशस्वी लसीकरणची योजना आखणे हे आमच्या राज्याचे कर्तव्य आहे. हे दोन्ही टप्प्याटप्प्याने होतील, ”असे प्रमोद सावंत यांनी सांगितले.